مجموعة نكت مصرية مضحكة جدا 2025 من الأمور التي يبحث عنها الكثير من الأشخاص الراغبين في الحصول على قدر من الترفيه وقضاء أوقات ممتعة ومسلية، أو مشاركة الطرفات والمواقف الكوميدية مع الآخرين، والنكات هي واحدة من وسائل التعبير التي عرفها الإنسان منذ العصور القديمة، وكانت وسيلة للترفيه والتسلية والضحك، وكانت لها فقرات مخصصة ضمن السهرات الترفيهية للزوار، لذا يهتم موقع محتويات بعرض باقة من النكت المصرية المضحكة جدًا.
نكت مصرية مضحكة جدا 2025
عُرف الشعب المصري من بين شعوب العالم أجمع بخفة الظل، حتى كان يُلقّب المصريون بأنهم شعب “ابن نكتة” فهم يلقون النكات في جميع الأوقات والظروف، من أجل انتقاد الواقع الذي يعيشونه، كما أن الطرف والنكات هي وسيلة ذكية للتعبير عن الانتقاد لأمر معين دون التصريح بذلك بشكل مباشر، وفيما يلي مجموعة من النكات الجديدة المضحكة للغاية:
- مرة واحد غبي كان عاوز ينتحر من الدور العاشر.. طلع على السطوح لقى العمارة خمسة أدوار بس نط مرتين.
- مرة واحد قالت نكتة لطباخ، وعجبته ضحك بصوص.
- مرة واحد حانوتي راح الجيم اتخانق مع الكوتش اللي بيدربه عشان بيقوله عاش.
- مرة سلحفاة دخلت مطعم طلبت من الويتر رز. قام أخدها رماها بره، رجعت له السلحفاة بعد شهر، وقالتله ماتزقش بس!
- مرة واحد سعودي راح يحلق عند حلاق مصري كل ما يقوله إيه رأيك في الحلقة… السعودي يقوله والله ما قصرت يقوم حالق له تاني.
- مرة واحدة راحت مع جوزها المستشفى.. الدكتور بيسألها: جوزك ماله يا مدام قالت له شرب عصير مسموم.. قال لها أمال إيه الكدمات اللي ف وشه دي.. قالت له ماكنش راضي يبلعه.
اقرأ أيضًا: نكت مضحكة جدا جديدة تموت من الضحك
نكت مصرية جديدة قصيرة عن البخلاء
تندّر المصريون بشكل كبير على التصرفات التي يقوم بها البخلاء، فكانت مادة ثرية للفكاهة، وفيما يلي مجموعة من النكات عن البخلاء:
- مرة واحد بخيل واقف قدام باب محل طول اليوم مش راضي يدخل.. ليه؟ عشان الباب مكتوب عليه “ادفع”!
- مرة واحد بخيل مات.. جم يفتحوا وصيته لقيوه كاتب أنا مستحمي ماتغسلونيش!
- واحد بخيل اتجوز واحدة بخيلة خلِّفوا بنت سمّوها حصّالة!
- مرة واحد بخيل مراته قالت له عاوزين نجدد الدهان بتاع البيت.. دهن حيطة أبيض، وكتب على الباقي نفس اللون!
- مرة واحد بخيل قاعد في البلكونة.. مراته طلعت له لقيته متعصب وعمال يضرب كف على كف.. قالها الصيدلية عاملة خصم النهاردة، وماحدش فينا عيان!
- واحد بخيل قاعد في البلكونة بيشرب شاي.. فا دبانة وقعت ف الشاي مسكها وقعد يضربها ويقولها والله ما سايبك إلا لما تتفي كل اللي شربتيه.
- واحد بخيل ابنه حلم بيه.. فا الولد بيحكي لأبوه الحلم وبيقوله: يا بابا أن حلمت إنك بتديني ألف جنيه.. قاله لا يا حبيبي رجعها دانا كنت بهزر معاك.
- واحد بخيل كاتب على باب بيته ماحدش يرن الجرس أنا هفتح الباب كل خمس دقايق.
- واحد بخيل تعبان جدًا، وراح للدكتور عشان يكشف.. الدكتور بيسأله إيه أكتر حاجة بتوجعك؟ قاله لما أدفعلك الفلوس، وأروح أشتري الدول؟
- واحد بخيل قاعد بيتعشى هو ومراته.. مراته بتسأله إيه رأيك في الاكل… قالها جميل جدا بس لولا الدنيا زحمة كان هيبقى أحلى.. مراته قالت له فين الزحمة دي دا مافيش غيرنا.. قالها آه مانا كانت أحب أبقى أنا والأكل لوحدنا.
- واحد بخيل اتجوز واحدة موظفة، وعاشوا في شقة إيجار… وكان متفق معها المصاريف عليه والإيجار عليها.. بعد ما مات اكتشفت أن الشقة تمليك.
اقرأ أيضًا: نكت سامجه بس تضحك
نكت قصيرة جامدة مكتوبة
تتميز النكت القصيرة بأنها تساعد على توصيل الفكرة المطلوبة بأقل عدد من الكلمات، وهي تحتوي على شيء من الفكاهة بالإضافة إلى الذكاء الكبير في تلخيص الفكرة المراد إيصالها للمتلقي، وفيما يلي مجموعة من النكت القصيرة المضحكة جدًا
- بطيخة في المطبخ قاعدة مع الخضار بتقول لهم ماتخلوش البصل ييجي هنا جنبي عشان ريحته وحشة وبيطفش الناس من قدامه.. البصل سمع الكلام دا وصعب عليه نفسه.. راح رادد عليها وقايل لها: روحي شوفي نفسك يا صايعة أي حد يطبطب عليكي تروحي رايحة معاه.
- مجموعة أغبيا كانوا عاوزين يفجروا عمارة راحوا حاطين القنابل في الدور الأول وطلعوا السطوح!
- مرة فار كذب شاف جثة أسد مقتول فضل يجر فيها لحد ما وصل بيها نص الغابة، وقف ف النص واتلمت الحيوانات من حواليه عمالة تهتف عاش الفار عاش الفار.. الفار حس بالغرور وراح شايطه برجله وقايل لهم: أنا لما بتعصب ماعنديش يامّا ارحميني.
- مرة اتنين رخمين محكوم عليهم بالإعدام وقبل ما ينفذوا فيهم الحكم سألوهم نفسكم في إيه؟ الأول قال نفسي أشوف أمي.. قالوا للتاني وانت نفسك في إيه؟ قالهم مايشوفش أمه.
- واحد غبي راح يعزي ف أم صاحبه، وهو في الطريق شاف واحد بتاع بطيخ.. اشتري بطيخة وأخدها معاه وهو رايح العزا.. وهو في الطريق الناس عمالة تقابله تقوله كلنا لها كلنا لها.. قالهم لا والله ما حد واخد منها حاجة.
- مرة واحد غبي ماشي في شارع ضلمة ومعاه جنيه فضة و100 جنيه مجمدة.. الجنيه وقع منه راح مولع ف ال100 جنيه عشان يدور عليه!
- مرة واحدة كان نفسه يتجوز واحدة اسمها علا.. قعد أسبوعين ماينامش.
اقرأ أيضًا: اسئلة فوازير رمضان للكبار
نكت مصرية قصيرة عن المحششين
كان الأشخاص الذين يتناولون المخدرات من المواد الغنية للفكاهة المصرية، بسبب إقدامهم على فعل التصرفات الغبية بسبب غياب عقلهم، وهذه التصرفات في أغلبها تبعث على الضحك، وفيما يلي مجموعة من النكت عن المحششين:
- مرة واحد محشش لقيوه ماسك تلجة، ف إيده وقاعد مركز معاها أول.. بيسألوه مالك مركز في التلجة كدا ليه قالهم هموت وأعرف بتنقط الماية منين!
- واحد محشش قاعد مع صحابه بيتفرجوا على ماتش ريال مدريد.. المذيع بيقول: جول لصالح رونالدو.. قالهم أخيرًا عرفت إن اسم رونالدو الأولاني هو صالح!
- اتنين محششين قاعدين في القهوة قدام المرايا.. واحد منهم بيقول لصاحبه: مش المفروض نقوم نسلم عالناس اللي قاعدة معانا من ساعتها دي.. قاله أيوة.. يالا بينا.. واحد منهم جاي يقوم التاني قاله والله مانتا قايم أهم جايين علينا أهم.
- مرة اتنين محششين ماشيين في الشارع واحد منهم وقع عند البلاعة راح التاني يستناه عند الحنفية.
- واحد محشش بيحاول يولع عود كبريت ومش راضي يولع معاه.. صاحبه قاله غيره ياعم يمكن بايظ.. قاله بايظ ازاي دانا لسه مولعه من شوية.
- واحد محشش بيسأل واحدة اسمك إيه؟ قالتله وعد.. قالها اخلصي يا ستي أقسم بالله ما هقول لحد.
- واحد محشش قاعد مع أصحابه.. سابهم وقام قعد لوحده وعمال يضحك جامد جدا.. ومرة واحدة قعد يضحك مرة واحدة بشكل مستمر.. صحابه استغربوا بيقولوله مالك يابني.. قالهم أبدًا كنت قاعد أقول لنفسي نكت بس الأخيرة دي جامدة أوي أول مرة أقولهالي.
اقرأ أيضًا: لغز ياويش بنتن واخوها شكلها
نكت مصرية مضحكة بالصور
مشاركة الصور التي تحتوي على الطرقات والنكات من الأمور التي يحب الكثير من الأشخاص مشاركتها عبر مواقع التواصل الاجتماعي المختلفة، وفيما يلي مجموعة من الصور للنكات المضحكة:
مقالات مقترحة
نرشح لكم أيضًا قراءة المقالات التالية:
وإلى هنا، نكون قد قدمنا لكم مجموعة نكت مصرية مضحكة جدا 2025 ، كما قدمنا لكم نكت محششين وبخلاء ونكت مصورة.
